ტექნოლოგიის განვითარებასთან ერთად ჩვენც ვვითარდებით. გვინდა, რომ უფრო მარტივად ვიცხოვროთ და ცხოვრების თითოეული მომენტით დავტკბეთ. კომფორტის შეგრძნება ძალიან მნიშვნელოვანია და ამიტომ, ჩვენ ყოველთვის ვცდილობთ მის შექმნას.

Samsung-ის ინოვაციური ტექნიკა თქვენი ოჯახის კომფორტისთვის – ეს პროექტი, McCann-ის გუნდმა Samsung-ის საყოფაცხოვრებო ტექნიკისთვის 2020 წლის დასაწყისში გააკეთა. პროექტის ფარგლებში, ჩვენ გადავიღეთ  ვიდეო, რომლის მიზანი იყო Samsung-ის საყოფაცხოვრებო ტექნიკის უპირატესობები და ინოვაციური ფუნქციები წარმოგვეჩინა.

საქართველოში მომხმარებელი სმარტფონს ხშირად არაოფიციალური სელერებისგან ყიდულობს. ეს კომპანიისთვის გარანტიების გაცემას ართულებს და მომხმარებელი დაუცველია, თუ მის ტელეფონს პრობლემა შეექმნება. ეს საკითხი ჰოლოგრამის შექმნით მოგვარდა, რომელიც კონკრეტულად ქართული ბაზრისთვის შეიქმნა.

ჩვენ დავეხმარეთ სამსუნგს, რომ მომხმარებლისთვის ჰოლოგრამის და სამსუნგის ორიგინალი პროდუქციის ყიდვის დადებითი მხარეები წარმოგვეჩინა.

კამპანიის ფარგლებში, ჩვენ შევქმენით სპეციალური ანიმაციური პერსონაჟი-ჰოლა, რომელიც ჰოლოგრამის განასახიერებს. კამპანიის მთავარი მესიჯი იყო „ჰოლოგრამა გიცავს“. კომუნიკაციის ფარგლებში, სამი სხვადასხვა ვიდეო შევქმენით. სიამაყით შეგვიძლია ვთქვათ, რომ ჰოლამ კარგად იმუშავა და მესიჯი საზოგადოებამდე მიიტანა.

კამპანია განსაკუთრებული იყო, რადგანაც ეს პირველი შემთხვევაა, როდესაც სამსუნგმა სარეკლამო რგოლი კონკრეტულად ქართული ბაზრისთვის შექმნა.